వ్యవసాయ మార్కెట్ కమిటీ పదవులకు పోటాపోటీ
నిజామాబాద్, వెలుగు: జిల్లాలోని ఎనిమిది అగ్రికల్చర్ మార్కెట్ కమిటీలతో పాటు ఇతర నామినేటెడ్ పోస్టుల భర్తీకి గవర్నమెంట్చర్యలు చేపట్టింది. వాటిని దక్కించుకునేందుకు కాంగ్రెస్ సెకండ్క్యాడర్ నేతల నుంచి తీవ్ర పోటీ నెలకొంది. దీంతో కాంగ్రెస్ ఎమ్మెల్యేలు సుదర్శన్రెడ్డి, డాక్టర్ భూపతిరెడ్డి, సెగ్మెంట్ ఇన్ఛార్జిలు కలిసి రెడీ చేసిన మార్కెట్కమిటీ ఏకాభిప్రాయ లిస్టును సర్కారుకు పంపించారు.
వారం పది రోజుల్లో కొన్ని పోస్టుల భర్తీకి అధికార ఉత్తర్వులు వెలువడే సంకేతాలు కనిపిస్తున్నాయి. దీంతో పదవులు ఆశిస్తున్న నేతలంతా టెన్షన్ పడుతున్నారు. వ్యవసాయ నేపథ్యం, రిజర్వేషన్, సీనియారిటీ, పార్టీకి అందించిన సేవలను ప్రామాణికం చేసుకొని జాబితా రూపొందించగా మిగిలిన ఇతర పోస్టులు ఎవరికీ ఇవ్వాలనే కసరత్తు కొనసాగుతుంది.
డిప్యూటీ క్యాబినెట్ మినిస్టర్ హోదా ఉన్న నిజామాబాద్ మార్కెట్ కమిటీ చైర్మన్ పదవి కోసం ఎక్కువ మంది నేతలు పోటీపడుతున్నారు. జిల్లా కాంగ్రెస్ రైతు విభాగం ప్రెసిడెంట్ముప్పగంగారెడ్డి, మాజీ చైర్మన్నగేశ్రెడ్డి, శేఖర్గౌడ్, యాదగిరి రేసులో ఉండగా వీరిలో ఒకరిని ఫైనల్ చేశారు.
నుడా, జిల్లా గ్రంథాలయ చైర్మన్ పోస్టులను నరాల రత్నాకర్, నగర పార్టీ ప్రెసిడెంట్కేశ వేణు ఆశిస్తుండగా జిల్లా ముఖ్య నేతలు వీరి పట్ల పాజిటివ్గా ఉన్నారు. టీపీసీసీ జనరల్సెక్రెటరీ గడుగు గంగాధర్ కుస్టేట్లెవల్ పోస్టు ఇవ్వాలని లేదంటే నుడాతో అడ్జెస్ట్ కావాలని అనుకుంటున్నట్లు సమాచారం. జిల్లా వక్ఫ్బోర్డు కోసం అక్తర్ పేరును కన్ఫర్మ్ చేసే ఆలోచన నడుస్తోంది.
బోధన్వ్యవసాయమార్కెట్ పదవీ మహిళకు రిజర్వు అయినందున మాజీ జడ్పీటీసీ సభ్యురాలు శారద, మాజీ ఎంపీపీ సావిత్రిలో ఒకరికి చాన్స్ రావొచ్చని భావించారు. అనూహ్యంగా కాంగ్రెస్ కౌన్సిలర్ సంధ్య పేరు తెరపైకి వచ్చింది. అక్కడి చారిత్రక శివాలయం ధర్మకర్తల మండలి చైర్మన్గా సీనియర్ నేత హరికాంతచారి, హనుమాన్టెంపుల్అధ్యక్ష పోస్టుకు గుండేటి రాములు పేర్లు సర్కారుకు ప్రతిపాదించారు.
వేల్పూర్మార్కెట్ కమిటీ చైర్మన్రేసులో జలాల్పూర్ మోహన్రెడ్డి, రెంజర్ల ముత్యంరెడ్డి, మెండోరా ముత్యంరెడ్డి ఉండగా వీరిలో ఒకరి పేరును గవర్నమెంట్కు ప్రతిపాదించారు. రిజర్వేషన్ప్రాతిపదికన కమ్మర్పల్లి కమిటీకి పాలెం నర్సయ్య, గోర్తె రాజేందర్లో ఒకరికి చాన్స్ దక్కవచ్చు. ఆర్మూర్ మార్కెట్ కమిటీ చైర్మన్ పోటీలో సాయిబాబాగౌడ్, విట్టం జీవన్ ఉండగా సీనియారిటీ ప్రమాణికంగా ఒకరిని సెలెక్ట్ చేశారు.
కేవలం నేతల పదవుల అడ్జెస్ట్మెంట్కారణంగా బోధన్ మార్కెట్కమిటీ నుంచి విడిపోయి కొత్త కమిటీలు ఏర్పడిన వర్ని, కోటగిరి మార్కెట్ పోస్టులకు పలువురు పోటీ పడుతున్నారు. వర్నిలో సురేశ్బాబా, నేమాని బుజ్జి, యలమంచిలి శ్రీనివాస్, గంగాప్రసాద్ మధ్య పోటీ ఉండగా వీరిలో ఇద్దరి పేర్లు పరిశీలనలో ఉన్నాయి. కోటగిరి మార్కెట్పదవిని హనుమంతు, దేగాం హనుమంతు, పోతంగల్సాయిబాబా, చిన్న సాయన్న ఆశిస్తున్నారు.
©️ VIL Media Pvt Ltd. 2024-07-27T02:35:45Z dg43tfdfdgfd