భారీ వినాయక ప్రతిమలు తయారయ్యేది ఇక్కడే..
భారీ వినాయక ప్రతిమలు తయారు చేసేంది ఇక్కడే.. గత కొన్ని సంవత్సరాలుగా మహారాష్ట్ర, సోలాపూర్ కు చెందిన కళాకారులు అన్ని రకాల మోడల్స్ లో వినాయక ప్రతిమలు, దుర్గామాత విగ్రహాలు తయారు చేస్తున్నారు. ప్రత్యేక ఆకర్షణగా కనువిందు చేస్తున్నాయి. అతి తక్కువ ధరల్లో అన్ని రకాల మోడల్స్ గణేష్ ప్రతిమలు తయారు చేస్తున్నామని మహారాష్ట్ర కళాకారుడు లక్ష్మణ్ లోకల్18 కి తెలిపారు. రాజన్న సిరిసిల్ల జిల్లా సిరిసిల్ల కామారెడ్డి, కరీంనగర్, వేములవాడ రహదారికి అనుకొని ఉన్న కళాకార్ ఆర్ట్ ఆధ్వర్యంలో 5 ఫీట్ల నుంచి 14 ఫిట్ల వరకు మండప నిర్వహకుల అభిరుచికి అనుగుణంగా సకాలంలో తయారు చేసి అందిస్తున్నామని నిర్వాహకులు చెబుతున్నారు. మిగతా దుకాణాలతో పోలిస్తే మా కళాకార్ ఆర్ట్ వద్ద తక్కువ ధరల్లో వినాయక ప్రతిమలు అందిస్తున్నామని పేర్కొన్నారు. ఇక్కడే మ్యానుఫ్యాక్చరింగ్ ఉండటంతో తక్కువ ధరలు అందించడం సాధ్యమవుతుందని, దీంతో రాజన్న సిరిసిల్ల జిల్లా వ్యాప్తంగా వివిధ ప్రాంతాల నుంచి మండప నిర్వహకులు, సభ్యులు వచ్చి గణేష్ ప్రతిమలు కొనుగోలు చేస్తున్నారని తెలిపారు. దీంతో అధిక సంఖ్యలో మండప నిర్వహకులు విగ్రహాలు కొనేందుకు రావడంతో సందడి వాతావరణం నెలకొంది. గత కొన్ని ఏళ్లుగా మహారాష్ట్ర సోలాపూర్ కు చెందిన కళాకారులు ఇక్కడ గణేష్ ప్రతిమలే కాకుండా దుర్గామాత ప్రతిమలు కూడా తయారు చేస్తూ ఉపాధిని పొందుతున్నామని అన్నారు. రెండు మాసాలు పాటు ఇంటివద్ద అంటూ.. మిగతా 10 నెలలు విగ్రహాల తయారీలో నిమగ్నమవుతామని తెలిపారు. భారీ వినాయక ప్రతిమలు చూసేందుకు, కొనుగోలు చేసేందుకు మండప నిర్వహకులు అధిక సంఖ్యలో తరలివస్తున్నారు. వినాయక చవితి వచ్చిందంటే చాలు చిన్న, పెద్ద అనే తేడా లేకుండా.. ఊరు, వాడల్లో భారీ గణనాయకుల ప్రతిమలు మండపాల్లో నెలకొల్పి తొమ్మిది రోజులపాటు మండప నిర్వహకులు, ప్రజలు భక్తి శ్రద్ధలతో పూజలు చేస్తారు. ఈ నేపథ్యంలో ఆధ్యాత్మిక శోభ సంతరించుకున్న తరుణంలో.. మండపాలన్నీ సందడిగా పండగ వాతావరణంలో దర్శనమిస్తాయి. ఇప్పటికే చాలా వరకు మండప నిర్వహకులు వినాయక ప్రతిమలను కొనుగోలు చేసి మండపాల్లో నెలకొల్పేందుకు ఏర్పాట్లన్నీ పూర్తి చేశారు. ఇప్పటికే చాలా వరకు వినాయక ప్రతిమల అమ్మకాలు జరిపినట్లు కళాకారులు చెబుతున్నారు. మరికొన్ని ఆర్డర్స్ ఉన్నాయని, వాటిని రాత్రి, పగలు శ్రమించి తయారు చేస్తున్నట్లు లోకల్18కి చెప్పారు. రాజన్న సిరిసిల్ల జిల్లా కేంద్రంలోని మండప నిర్వహకులందరికీ ఎస్పీ అఖిల్ మహాజన్ సిరిసిల్ల పట్టణంతో పాటు వేములవాడ ప్రాంతాల్లో ప్రత్యేకంగా సమావేశాన్ని ఏర్పాటు చేశారు. ఈ సందర్భంగా వినాయక చవితి పర్వదినాన్ని పురస్కరించుకుని నవరాత్రులు శాంతి భద్రతల పరిరక్షణకు, అందరూ కృషి చేయాలని కోరారు.
2024-09-07T12:06:44Z