బలంగా అల్పపీడనం.. నేడు ఆ ప్రాంతాల్లో అత్యంత అతి భారీ వర్షాలు
Weather Report 8-9-2024: భారత వాతావరణ శాఖ (IMD) తాజా రిపోర్ట్ ప్రకారం.. వాయవ్య బంగాళాఖాతంలో అల్పపీడనం అంతకంతకూ బలపడుతోంది. ఇది ఉత్తరం వైపుగా కదులుతూ.. 9వ తేదీ నాటికి వాయుగుండంగా మారుతుంది. అప్పటికి అది ఉత్తర ఒడిశా, పశ్చిమ బెంగాల్ దగ్గర ఉంటుంది. తర్వాత బెంగాల్, ఒడిశా సరిహద్దుల్లో తీరం దాటే ఛాన్స్ ఉంది. దక్షిణాది రాష్ట్రాలపై ద్రోణి మరో 4 రోజులు కొనసాగనుంది. ఈ పరిస్థితుల వల్ల తెలుగు రాష్ట్రాల్లో ఈ వారమంతా వర్షాలు తేలికపాటి నుంచి మోస్తరుగా పడతాయి. ఇవాళ (8వ తేదీ) మాత్రం కోస్తాంధ్రలో అత్యంత అతి భారీ వర్షాలు (extremely heavy rainfall) కురుస్తాయి. అలాగే తెలంగాణ, కోస్తాంధ్ర, యానాంలో 8, 9 తేదీల్లో అతి భారీ వర్షాలు కురుస్తాయి. 10వ తేదీన తెలంగాణ, కోస్తాంధ్ర, యానాంలో భారీ వర్షాలు కురుస్తాయి. శాటిలైట్ అంచనాలను చూస్తే, అల్పపీడనం ప్రభావం.. ఉత్తర తెలంగాణ, కోస్తా, ఉత్తరాంధ్రపై ఎక్కువగా కనిపిస్తోంది. ఇవాళ కోస్తా, ఉత్తరాంధ్ర, ఉత్తర తెలంగాణలో మోస్తరు నుంచి భారీ వర్షాలు కురిసే ఛాన్స్ కనిపిస్తోంది. తెలుగు రాష్ట్రాలపై రోజంతా మేఘాలు ఉంటాయి. ఇవాళ హైదరాబాద్లో వాన పడే అవకాశాలు కనిపించట్లేదు. కానీ మేఘాలు ఎక్కువగానే ఉంటాయి. బంగాళాఖాతంలో గాలి వేగం గంటకు 45 కిలోమీటర్లకు చేరింది. ఏపీలో గంటకు మాగ్జిమం 20 కిలోమీటర్లు ఉంటుంది. తెలంగాణలో మాగ్జిమం 15 కిలోమీటర్లుగా ఉంటుంది. ఇవాళ టూర్లకు వెళ్లేవారికి గాలి బాగా వీస్తుంది. పర్యాటకులకు చాలా బాగుంటుంది. ఐతే.. వర్షం పడని ప్రాంతాలకు వెళ్లడం మేలు. ఉష్ణోగ్రతలు చూస్తే, ఏపీలో మాగ్జిమం 32 డిగ్రీల సెల్సియస్ దాటదు. తెలంగాణలో 30 డిగ్రీల సెల్సియస్ దాటదు. మేఘాలు, గాలి కారణంగా.. ఉక్కపోత అనిపించదు. తెలుగు రాష్ట్రాల్లో తేమ బాగా ఉంది. ఉదయం వేళ తెలంగాణలో 89 శాతం, ఏపీలో 89 శాతం ఉంటుంది. రాత్రి 7 తర్వాత తెలంగాణలో 83 శాతం, ఏపీలో 79 శాతం తేమ ఉంది. ఉత్తరాంధ్ర, ఈశాన్య తెలంగాణలో తేమ 90 శాతానికి పైగా ఉంది. అందువల్ల ఇవాళ ఉత్తరాంధ్ర, కోస్తాంధ్ర, ఉత్తర తెలంగాణ ప్రజలు అప్రమత్తంగా ఉండాలి. (All Images credit - IMD)
2024-09-08T00:51:53Z
బెజవాడలో మళ్లీ వర్షం .. భయాందోళనలో ప్రజలు
బెజవాడలో మళ్లీ వర్షం .. భయాందోళనలో ప్రజలు విజయవాడలో శనివారం ( సెప్టెంబర్ 7) ఉదయం నుంచి మళ్లీ వర్షం దంచికొడుతోంది. కుండపోత వర్షం కారణంగా భవానీపురం, విద్యాధరపురం, గొల్లపూడి, ఇబ్రహీంపట్నం, వన్ టౌన్, గవర్నర్ పేట, లబ్బీపేట, మొగల్రాజపురం, పటమట, కృష్ణలంక, కానూరు తదితర ప్రాంతాల్లో ఎడతెరిపిలేని వాన పడుతోంది. దీంతో సహాయక చర్యలకు ఆటంకం ఏర్పడుతోంది. మళ్లీ...
2024-09-07T13:25:58Z